《20歲唔開始保養對眼，小心似我咁後悔》
想睇一個女人幾歲，睇頸紋、眼紋就可以知到八成，人平均每日眨眼1萬次，自然容易有紋。因為眼部皮膚係臉上最薄，前一晚夜瞓少少，眼皮浮腫和黑眼圈都會無所遁形。
睇到呢度，18-20歲嘅妹妹仔以為唔關自己事？我話你知，而家唔做好保養，第時睇落年紀仲大過伯母!話說我曾經都以為自己青春無敵，結果2x歲後，3大條眼紋衝出來say hi，加埋眼袋黑眼圈，用乜遮都無用，所以提提大家，及早保養好過後悔。
眼部問題出現，原因如下:
1. 有鼻敏感導致眼成日痕，一痕就大力捽
2. 日夜化妝，用超防水睫毛液，用力捽眼落妝
3. 夜晚熄燈後睇電話
4. 日日戴con ，拉扯眼部皮膚
5. 從來唔搽眼霜、精華
不過，知錯能改，眼紋會減．眼圈會走。我呢排用咗呢2個方法改善，大家睇睇張對比照(comment位置)，嗰兩隻眼個分別都幾大。
1. 做好眼部按摩，圖都整埋，自己學，每日按佢5分鐘會大有改善，不過記得要細細力按壓，唔好因此新增眼紋
2. 用好的眼霜、眼部精華
眼霜令眼部皮膚緊緻，幫助減眼紋
精華加強眼部血液循環，改善除眼部浮腫及眼袋同黑眼圈
另外，要改善仲有第3種方法：打黑眼圈針，即係注射透明質酸去真皮層，可見效半年至一年，不過同我一樣怕痛的人，都係乖乖用以上2種方法先喇。
Search